ده‌ستت بێنه

‌بیکه‌م به‌ نامه بۆ شه‌وێ

نه‌وه‌ک ڕۆژێ

دڵم وه‌کو به‌فری بنار

هه‌ر ببارێ

به‌سه‌ر لووتکه‌ی داستانێکی ناو نه‌هاتوو

له‌نێوانی هه‌ردوو ده‌ستی ساردی مندا ..

نه‌که‌ی وه‌ک ته‌زره‌ بێیته‌ خوار

که‌ سه‌رما هه‌موو ڕۆژێ بێ

ده‌ست وپه‌نجه‌م بته‌زێنێ ..

دڵم هه‌رگه‌رم ده‌نوێنێ ..

ده‌ستت تازه‌

له‌ناو ده‌ستی ئه‌ودیو ڵاپه‌ڕه‌ی عیشقه‌وه‌

 گرێدراوه‌

عیشقیش بۆته‌

 کێلگه‌ی یاخی کارمامزه‌کان

هه‌موو شه‌وێ مامزێکی په‌ل به‌ شه‌ونم

دێت وده‌ستی شیعرم ده‌گرێت

یشک ده‌خاته‌ ناو ڕه‌نگی

هه‌موو دێرێکی ته‌مه‌نم

کێ ده‌زانێ ...!

نامه‌ی شه‌وی هه‌موو بستێکی تاریکی

ناو هه‌ناسه‌م ..

بکات به‌ شانۆ بۆ کچێ .

کێ ده‌توانێ

پیته‌کانی ئه‌و هۆنراوه‌م

بۆ بخاته‌ ژێرسێبه‌ری

به‌ردێکی ئه‌و بناره‌وه‌

ده‌سته‌کانت بکه‌ به‌تاڤگه‌ی پڕ ئه‌وین

له‌که‌ناری ده‌ریای ووشه

‌شه‌پۆڵه‌ سه‌رشیته‌کانم بۆ ڕاگره‌ ..

پێش ئه‌وه‌ی ببمه‌ تارمایی

عه‌شقێکی بێ ناوونیشان

وه‌ره‌ له‌گه‌ڵ باڵنده‌کان ..

سه‌رهه‌لگرین

به‌جێ بێلین هه‌ردوو جیهان ...

ده‌ڕۆم بۆ دونیای خه‌یاڵ و ئاسمانی ڕه‌ش هه‌ڵگه‌ڕاو

 ده‌ڕۆم بۆ کاتی تێپه‌ڕیوی پڕ دڕنده‌ی له‌ گۆڕ نراو

گیانم ده‌ده‌م به‌ شه‌ماڵی بێ ده‌نگ وڕه‌نگی ئێواران

دوور له‌ عاشقانی بێ په‌یمان و دڵ ڕه قی دڵداران

  خۆزگه‌ ده‌متوانی نه‌بیستم ئاهو ناڵه‌ی خۆشه‌ویستی

 نه‌ک نه‌یێ به‌ڵکو نه‌مێنێ هه‌ر له‌تۆ هیچ خۆپه‌رستی

ناو دڵم پڕ بێ له‌ خورپه‌و مه‌رگی  خۆم پێ ڕاگه‌یێنی

من به‌یه‌کجاری شه‌هیدبم شه‌هیدی ڕێی خۆشه‌ویستی  

  هه‌ر خه‌یانه‌ت بێ له‌تۆ بێ نه‌ک له‌ ده‌نگی بولبوڵان

ڕۆژ به‌ڕۆژ تاریکه‌ چاوم نابیستم هیچ ترپه‌ی دڵان

کورت وڕێکی که‌ ببینم ئه‌ی ئاسمان  دیداری یار  

چاره‌نووسم بێ ئه‌گه‌ر مام یه‌ک هه‌ناسه‌ی نێو گوڵان

  چاوه‌کانت سه‌رخه‌وێ ناشکێنن پاسه‌وانن ڕۆژو شه‌و

ناهێڵن ڕۆشن بکا ئاسمان و ئه‌ستێره‌ش جوانی ئه‌و

 په‌یکه‌رێکی گیان ده‌به‌خشی و گیان ده‌ده‌ی تاکو بڵێن

 شه‌و ده‌که‌ی به‌ گۆڕستان و ڕۆژ ده‌که‌یته‌ چاوی خه‌و  

 دایه‌ گیان دایه‌ی شیرینم

ئه‌ی دایه‌ی عیشق وئه‌وینم

بێ تۆ من چیم ئه‌ی دایه‌

چۆن بژیم بێ تۆو ڵای لایه

‌کوا لای لایه‌و ده‌نگی نه‌رمت

کوانێ خۆشی کۆشی گه‌رمت

تاکو ماوم له‌و دونیایه

‌بۆ تۆ ده‌ژیم ته‌نیا دایه

‌ئه‌گه‌ر دوورم له‌ تۆ دایه

‌ژیانی من له‌ مه‌رگایه

‌باڵام گیانم وه‌ک په‌پووله

‌هه‌میشه‌  له‌ سه‌ر سه‌رتایه

‌له‌ باوه‌شی گه‌رمی تۆدا

فێری عه‌شقی نیشتیمان بووم

ئه‌وڕۆژانه‌ی له‌ تۆ دوور بووم

له‌ ژیانم په‌شیمان بووم

ڕۆحم کڵۆل وبرینه

‌جه‌سته‌م ئاواره‌ی زه‌مینه

‌ته‌نها ده‌نگێ تخوا دایه

‌ڕزگارم که‌ له‌م هه‌ودایه

‌هه‌ر وه‌ک چرۆی لێوی به‌هار

ئاواره‌ بووم به‌ ده‌ست ڕۆژگار

ده‌بێت ڕۆژێک بتبینمه‌وه

‌ئه‌ی دایه‌ گیان دایه‌ی ئازار

دایه‌ گیان دایه‌ی شیرینم

دایه‌ی قسه‌ هه‌نگوینم

هۆ دایه‌ی یه‌که‌م نیشتیمان

هۆ ئارامگای دڵ و گیان

ئه‌ی سۆزی گه‌رمی وڵاتم

ئه‌ی خۆری له‌ دوور هه‌ڵاتم

ئه‌ی ژنه‌ گه‌وره‌که‌ی دونیا

ئه‌ی ڕوناکی ڕێگای هاتم

دایه‌ گیان ئه‌ی چرای ئارام

ئه‌ی دوا لوتکه‌ی هیواو مه‌رام

دایه‌ گیان ئه‌ی لێدانی دڵ

ئه‌ی خۆشترین بۆنی له‌ گوڵ

حه‌ز ده‌که‌م ببمه‌ قوربانیت

له‌ گیانشم بۆت ناکه‌م سڵ

ئه‌ی پاکترین وشه‌ی پاکم

مه‌زنترین عه‌شقی خاکم

ده‌ستی پیرۆزی ژیانم

نوێنه‌ره‌که‌ی ڕێگای چاکم

ئه‌و کاتانه‌ی دوورم له‌ تۆ

هه‌ناسه‌ سوارو داماوم

به‌ڵام کاتێ نزیکم لێت

هه‌ست ده‌که‌م تازه‌ خولقاوم

هه‌ر پێکه‌نینی دایکم بوو

بزه‌ی ده‌خسته‌ سه‌ر لێوم

هه‌ر کوردستان و دایکم بوو

منیان کردووه‌ به‌ خێوم

دایه‌ دایه‌ی میهره‌بانم

به‌زه‌یی ترین ئینسانم

بێجگه‌ له‌ تۆ که‌س شک نابه‌م

ئه‌ی زه‌رده‌خه‌نه‌و گریانم

به‌شێکی ئه‌م هۆنراوه‌ کراوه‌ به‌ گۆرانی له‌لایه‌ن زه‌که‌ریا   

چوارین    ... شاڵاو

نه‌که‌ی چیتر بێ گومان بی له‌ ئه‌شقی من بۆ چاوانت 

نه‌که‌ی چیتر ببارێنی فرمێسکی گه‌ش له‌ چاوانت

خۆت ده‌زانی دڵم بێ تۆ هه‌میشه‌ شێت و سووتاوه

‌نه‌که‌ی ئیتر دڵ بگۆڕی سوێندت ده‌ده‌م به‌ چاونت

 تا تۆ شیعرم بخوێنیه‌وه‌

ووشه‌ ووشه‌ بۆ ڵای من دێن

دڵم  لێ ده‌بێ به‌ باخ و

هه‌زاران شیعری لێ ده‌ڕوێن ..

که‌ تۆش شیعرم نه‌خوێنیه‌وه‌

هه‌رچی ووشه‌ی ناسک هه‌یه‌

 له‌گه‌ڵ خه‌می دڵی مندا

 ده‌توێنه‌وه‌و

 دڵۆپ دڵۆپ ده‌بن به‌ خوێن ...

بۆیه‌ ئه‌تۆش ...

نه‌که‌ی ببی به‌ تاریکی ڕێگای عه‌شق و چاره‌نووسم

 هێشوو هێشوو‌ بخوێنه‌وه‌

 هه‌رچی شیعرێ که‌ ده‌ینووسم ..

 گوڵم له‌گه‌ل شنه‌بایه‌ک

له‌ نیوه‌ شه‌و

تالێک قژت گه‌یشته‌لام

پڕ بوو له‌ بــــــــــــــــــــۆ

منيش كردم به‌ جۆڵانه

‌ بۆ دڵی خۆم

بۆ سه‌ر خه‌وێ

به‌ یادی تــــــــــــــۆ

که‌ بێدار بووم به‌ ناچاری

نه‌ک ته‌نها خۆم

به‌لکـــــــــــــــــو هه‌موو ژووره‌که‌شم

بۆنی عه‌تری لێ ده‌باری

له‌وساوه‌ من نازانم

 شه‌وتا دونیا خامۆش ده‌بێ 

 شیعر بۆ چاوت بنووسم

چونکه‌ ئیتر سه‌رم سووڕماوه‌ له‌ خۆشم

يان دانيشم

تا به‌یانی

شووشه‌ شووشه‌بۆنی زوڵفی تــــــــــــــــــــــــۆ بفرۆشــــم 

بـــۆپه‌شیمانی تۆ لــــه‌دڵداری

ئه بــێ بیچێژی ئێش وئازاری

 که‌ تۆ دڵت داو دڵێکت ئه‌ستان

دزۆر دڵنیا به‌ دوو دڵت سووتاند 

ئێستاش له‌ پای چی له‌ خوا ناترسی

به‌زه‌ییت نایێ به‌ خــــــــــــۆشه‌ویستی

 تۆپه‌شیمانی وهه‌ر په‌شیمــــان به‌

چاو به‌ فرمێسک ودڵ به‌گریان به‌

 تاکو ئه‌و ڕۆژه‌ی ده‌گــــــــــه‌ڕێیته‌وه

‌شێت وسووتاوی عه‌شقی جاران به‌

 باوه‌شی عه‌ شقی من کـــــــــراوه‌یه

‌بۆ ڕۆژه‌کانی یه‌کـــــــــــتر په‌رستی

 به‌هار به‌بێ گوڵ ڕه‌نگێ نانوێنی

ژیان پایزه‌ بـــــــــــــێ خۆشه‌ویستی 

ئه‌م هۆنراوه‌ کراوه‌ به‌ گۆرانی له‌لایه‌ن هونه‌رمه‌ند زه‌که‌ریا

ده‌ڕۆی به‌بێ ماڵئاوای

من دڵی خۆم دابوو به‌ تۆ

 تۆش شکاندت به‌خۆڕایی 

له‌ هه‌ر کوێ بی له‌ هه‌ر لایه‌

 عیشقت گه‌وره‌و بێ هاوتایه‌

 بــێ گــــومان به‌ تازه‌ ئیتر

خــۆشه‌ویستیت له‌ دڵــمایه‌  

هه‌رچــــــی بڵێن لێره‌و له‌وێ

 چۆنت باس که‌ن چۆنیان ده‌وێ

نه‌که‌ی ئیتر دڵ له‌ دڵ ده‌ی

 دڵم هه‌ر ئه‌تۆی خۆش ده‌وێ .. 

بۆ کوێ بڕۆی بۆ کام هه‌وار

له‌ کوێ هه‌لده‌ی بارگه‌و ده‌وار

 که‌سێکی دیکه‌ شک نابه‌م

 هه‌رتۆ ی یه‌که‌م و دوا دڵدار   

 بۆ ماڵئاواییت نه‌ده‌کرد ..

کاتێ بارگه‌ی عیشقت تێک ناو

خه‌می دونیات له‌ دڵ چاندم .

خۆ من ته‌نها دڵم هه‌بوو

تۆ ئه‌ویشت لێ شکاندم ... 

سینه‌م پڕ له‌ ئاخ وژانه‌

جه‌رگم له‌ت له‌ت بووه‌ ئه‌مشه‌و

 که‌تۆ نه‌مای ئێره‌ چۆڵه

‌ ئیتر چؤن چاو بنێمه‌ خه‌و ... 

دیسان دڵـم پڕ له‌ خه‌مه‌و

 شوێنی هیچی تر ناگرێ

گیانم هێنده‌ به‌ئازاره‌

نازانم چۆنه‌ نامرێ 

 که‌ ڕۆیشتی بۆ نه‌تده‌نارد

 نامه‌یه‌کی مالئاوایی

که‌ تۆ دیاره‌ نه‌تده‌زانی

چه‌ند ناخۆشه‌لێک جودایی 

 نامه‌یه‌کت بۆ ده‌نووسم

 به‌ خه‌می دڵ به‌ خوێنه‌وه‌

 تۆش به‌یادی خۆشه‌ویستیم

 به‌ ئاهی دڵ بیخوێنه‌وه‌  

 بگه‌ڕێوه‌ بۆکــــــــــوێ ده‌ڕۆی

له‌ کوێ هه‌وارت هه‌ڵده‌ده‌ی

له‌ ئامێزی مـــــــــــن بترازێی

له‌ هه‌ر کوێ بی په‌ناهه‌نده‌ی

بگــــــــــــــــه‌ڕێوه‌ نه‌وه‌ک ئیتر

له‌ باخـــــی دڵم هه‌ڵوه‌رێ

 یبگـــــــــــــــــه‌ڕێوه‌ ژیان لێره

‌نه‌باده‌ مـــــــــردن بێته‌ ڕێ ی

ماوه‌یه‌کــــه‌ ڕازی دڵـــــــــــــم

به‌ تۆ نه‌بی ناکـــــــــــــــرێته‌وه‌

به‌ سه‌ر هــــــاتی عـیشقی ئێمه

‌تادونیایه‌ نــــــــــــــــابڕێته‌وه

‌بگه‌ڕێوه‌ چیدی ئــــــــــــــــاهو

هه‌ناسه‌ی من بـــــــــــــانه‌تگرێ

بێره‌وه‌ تـــــــــــــــــۆ نـه‌وه‌ک ئیتر

له‌ بـــــــــــــــــــــاخی دڵم هه‌ڵوه‌رێی

شه‌وان لــــــــه‌‌گه‌ڵ یادگاری تۆ

سه‌ر ده‌خـــــــــــــــــه‌مه‌ نامورادی

تائه‌و ساتــــــــــــــه‌ی ده‌دبینمه‌وه

‌نازانم له‌ کــــــــــــــوێیه‌  شادی

 ئه‌م هۆنراوه‌یه‌ له‌لایه‌ن هونه‌رمه‌ندزه‌که‌ریا کراوه‌ به‌ گۆرانی 

چیتر نامه‌ت ناخوێنمه‌وه

‌ئه‌گه‌ر ووشه‌ت ببێ به‌ زێڕ

ئیتر گوێ له‌ووشه‌ت ناگرم

 به‌ خوێن بنووسی بۆم دێڕ دێڕ

چیتر هه‌ستم به‌سۆزی تۆ فریوناخوا

دونیام بۆ بکه‌ی به‌ ژوورو ژێر ..

بۆیه‌ گوڵم که‌سی ترم پێ مه‌سپێره

‌نه‌خۆت ئازارده‌و نه‌منیش

چیتر نامه‌م بۆ مه‌نێره‌ ...!

من باوه‌ڕم به‌ تۆ نه‌ما

که‌ تۆ دڵت

 وه‌ک باخێکی بێ په‌رژینه

‌نه‌پێوه‌ندم ببه‌سته‌وه‌ نه‌ به‌ندوکۆت

چیتر سه‌یری وێنه‌ت ناکه‌م

دونیا پرکه‌ی له‌ وێنه‌ی خۆت

هه‌موو ووڵات بشۆیته‌وه‌ به‌ فرمێسکت

من گریانم قه‌ت نایێ بۆت..!

سه‌یری گه‌لای وه‌ریو ده‌که‌م

 چاوم ده‌بڕمه‌ ده‌شت و کۆ ..

له‌گه‌ل هه‌موو دره‌ختێکی ئه‌م پایزه‌ پێ ده‌که‌نم

قه‌ت دانانیشم له‌گه‌ل تۆ ...،

 ده‌ست له‌ ملی هه‌موو گوڵێکی شار ده‌که‌م

 به‌ڵام گوڵت نا‌که‌م به‌ بۆ

چی نووسینی دونیا هه‌یه‌ ده‌خوێنمه‌وه‌

 بێجگه‌ له‌ نامه‌ی ده‌ستی تۆ ...!

وازبێنه‌ لێم

من ده‌مێکه‌ له‌ئه‌شقت ده‌ستم به‌رداوه

‌هه‌موو دڵی من بکێلی

یه‌ک یادگاریت..،

 یان یه‌ک سۆزی خۆشه‌ویستیت!

 له‌ ناو دڵی من نه‌ماوه‌

ئیتر که‌س بۆکاغه‌زو قه‌ڵه‌م مه‌سپێره

‌نه‌ خۆت ئازارده‌و نه‌منیش

چیتر نامه‌م بۆ مه‌نێره‌ .  

 چیتر نامه‌ت شه‌ونمی گوڵاو ناڕێژی

به‌سه‌ر دڵی پڕله‌ تاسه‌م

چیتر ووشه‌ت ...

شه‌ماڵ  نابێ له‌ بێداریم

خۆی بخاته‌ نێو هه‌ناسه‌م

چیتر دڵم ناخه‌مه‌ ده‌ست

ئه‌م ڕۆژگاره‌ پڕ هه‌ڵدێره‌

دڵنیابه‌هه‌رگیز نامه‌ت ناخوێنمه‌وه

‌نه‌خۆت ئازارده‌و‌نه‌منیشچیتر نامه‌م بۆ مه‌نێره 

 زۆرت نووسی...!

 ووشه‌کانی خۆشه‌ویستی

نه‌مده‌زانی ئه‌تۆ هێنده‌ خۆپه‌رستی

 هه‌رچیت ده‌نارد ده‌مخوێنده‌وه‌

 به‌ بێ ئه‌وه‌ی بزانم چین

 هێنده‌ دڵم مه‌سوتێنه‌

 واز بێنه‌ له‌ نامه‌ نووسین

 ده‌رگای دڵی خۆم داده‌خه‌م

نه‌وه‌ک نامه‌ت بێته‌ ئێره‌

نه‌خۆت ئازارده‌ و نه‌منیش

 چیتر نامه‌م بۆ مه‌نێره‌...

 .،، Shallaw1@hotmail.com   

 جارێ دڵ ده‌ده‌ی جارێ دڵ ده‌به‌ی

 دوو دڵ ودوو ڕای له‌وه‌ته‌ی تۆ هه‌ی

 جارێ ده‌ڵێی دێم جارێکیش  نایه‌ی

 منت کوشتووه‌ به‌ ئه‌مڕۆ و سبه‌ی  

جارێ به‌ که‌زیت ده‌ستم ده‌به‌ستی

جارێ پێم ده‌ڵێ ی بڕۆ سه‌ربه‌ستی

دڵیش  نازانێ کام ڕێگا بگرێ

تاکه‌ی پێم ده‌که‌ی ئه‌وده‌ست ئه‌وده‌ستی

 گه‌ر چی ده‌زانم تۆ بێ په‌یمانی

 دایم خه‌ریکی په‌یمان شکانی

په‌یمان مه‌شکێنه‌ من عاشقی تۆم

 مه‌شکێنه‌ دڵی عاشقی گیانی 

 دڵێکم هه‌بوو ئه‌ویشم دا پێت

نه‌مزانی عیشقت کۆتایی پێ دێت

 ڕۆژێ باوه‌ڕم به‌ عیشقت هێنا 

 تۆش دڵ ده‌گۆڕی من تێ ناگه‌م لێت ...

 ئه‌م هۆنراوه‌ له‌لایه‌ن هونه‌رمه‌ند زه‌که‌ریا ئاوازی بۆ دانراوه‌ و کراوه‌ به‌ گۆرانی 

 چاوه‌کانت  وه‌ک چران

 شه‌و له‌ شه‌و ڕوناکترن

لێوه‌کانت ده‌مسووتێنن ئه‌و گوڵن یان ئاگرن 

 من که‌ ناوێرم له‌ ترسی چاوی تۆ هیچ بێمه‌ ده‌ر 

 با به‌جارێ نه‌مکوژن

زوو زوو با چاو داگرن  

عاله‌می وێران کرد به‌ جارێ

تیغی ئه‌برۆو چاوه‌که‌ت

سه‌د ده‌خیڵ و سه‌د ئه‌مان

هاواره‌ با شه‌ڕ ڕاگرن  

ووشه‌کانت هێنده‌ کۆن و بۆگه‌نیوون

 که‌سێک نییه پێت باوه‌ڕ کات

‌ بڵێت وایه

‌ هه‌رچی ده‌ڵێی ..؟

 چی ده‌نووسی بۆ چه‌واشه‌ی چاوی عه‌شق...!

 هه‌ر ته‌نیا بۆ خۆت ڕیسوایه‌ ..،

هێنده‌ت گوت وهێنده‌ت نووسی ...!

له‌په‌لاماری دڵ وگوڵ

فوو له‌چرای

 شه‌وه‌زه‌نگی شاعیر ده‌که‌ی..!

 له‌دووره‌وه‌ ...

 سه‌یری سه‌مای خه می دڵی پڕ سۆ ده‌که‌ی ،

 بێ گومان به‌

هه‌رچی ده‌ڵێی درۆ ده‌که‌ی ...،

 هه‌گبه‌یه‌کی بۆشت لایه‌ 

ئاخر ئه‌تۆ 

 که‌ی ده‌زانی ...؟

نامه‌ی دڵداری و جوانی

 بنووسی بۆ به‌ژن وباڵای شاعیرێکی ئه‌رخه‌وانی ..!

  ئاخر ئه‌تۆ که‌ی ده‌توانی ...؟

به‌ دوو ڕووی بێ ناونیشانت 

 به‌ فڕوفێڵی چاوانت 

 به‌ فریوی نه‌خشه‌ تازه‌که‌ی زمانت  

 به‌ قه‌د بالای

 به‌رزی سه‌فین هه‌ڵبگه‌ڕێی ...!

 ده‌پێم بڵێ بێجگه‌ له‌ئه‌تک کردنی ...

 ووشه‌ی ناسک

چۆن ده‌توانی به‌گژ زام و ئازاری برین هه‌ڵگه‌ڕێی

 ئه‌تۆو شیعر ...

 وه‌کوئه‌رزو ئاسمانن

 ووشه‌کانت له‌ڕاست باڵای به‌رزی ژانم 

 بێ زمانن

 هه‌تا زووه‌ قه‌ڵه‌مه‌که‌ت ووردو خاشکه‌ و

لێی کڕ که‌وه‌

بۆ به‌زه‌یی هه‌موو دڵدارانی ئێره

‌ بڕۆ ئیتر لێی بخه‌وه

‌ ئه‌وه‌ی که‌ تۆ ده‌یلێیته‌وه‌ ...

چه‌ندین ساڵه‌ کردت به‌ خو

 هه‌موو خه‌لک چاک ده‌زانن

 له‌ده‌می هه‌ڵه‌وه‌ڕیت ده‌رچوو

ئیتر بڕۆ له‌ ئاوێنه‌

 سه‌یری باڵای کورتی خۆت که ...!

‌ خۆت ده‌زانی که‌ ئه‌وه نی

نه‌ک هه‌ر خه‌لک

 من دڵنیام

 به‌ڵکو خۆشت به‌خۆت پێده‌که‌نی ...    

بۆ چی به‌ته‌نیا لێره‌ جێت هێشتم

چیرۆکی عه‌شقی لاویت پێ نێشتم 

دیاره‌ نازانی گوڵم  وا نابــــــێ

نه‌ عیشق وایه‌و وه‌فاش وا نابێ 

دڵێک عاشق بێ هه‌ر ده‌ناڵێنی

دڵی تۆ به‌رده‌ دڵم ده‌شکێنی 

نه‌ تۆ عاشقی و نه‌ عیشقیش وایه‌

خۆشه‌ویستی من به‌ بێ په‌روایه

‌که‌ تۆ جێت هێشتم گوڵم چرۆ بوو

ئاخر عیشقی تۆ هه‌مووی درۆ بوو

 نه‌مزانی ئه‌تۆش ده‌ڕۆی به‌ وێلی

وه‌ها به‌ جارێ تۆش به‌جێم دێلی 

عیشقم چوو دڵم چوو

ڕۆژگارم به‌سه‌ر چوو

چاوه‌ڕێی به‌هار بووم

هات نه‌مدی وبه‌ سه‌ر چوو

 له‌ لایه‌ن زه‌که‌ریا کراوه‌ به‌ گۆرانی 

 پایزه‌ ..

 هۆ گه‌لۆ گه‌ڵاو گوڵ بریندار ...

لووتکه‌ی شاخ خه‌مبارو ..،

ڕوباریش زۆر بێزار ..

پایزه‌و من هه‌ر وه‌ک ،

پایزی چه‌ند ساڵه..

‌له‌ لێوی دار به‌ڕوو

ئه‌کێشم ئاخێکی بی سنوور

بۆ خه‌می په‌لکه‌ دار

پایزه‌ و هه‌ر بایه‌ وورشه‌ی دێ

لق وچڵ دێنته‌ خوار

من هه‌موو پایزان ده‌ژمێرم

شه‌هیدی په‌لکه‌ گوڵ  شه‌هیدی په‌لکه‌ دار

ئه‌مساڵ من ...!

له‌نێوان پایزو ڕابردووت نیگایه‌ک

به‌ مێژووی تاڵی خۆم ... !

ده‌خشێنم

چه‌ند ساڵه‌ پێت  ده‌ڵێم

من مێژووی سووتاوی

ده‌ستی ئه‌و پایزه‌م  ... 

که‌ڕوباری لێم خنکاند

من په‌ڕه‌ی دڕاوی

 ده‌ستی ئه‌و پایزه‌م

ئاگره‌که‌ی بابه‌ گوڕ گوڕی ڵێم سووتاند

من وحه‌مرین

 هه‌موو پایزان

پڕی سه‌ر سه‌رو که‌ڵه‌مان په‌لکه‌ دار ده‌بێت

وووشک ووشک هه‌ڵده‌گه‌ڕێین هه‌ردوکمان

پایزان دوو برسی ئه‌و ناوه‌ین

پێم گوتی له‌گه‌ڵتام .. 

تاکاتێ خوێنی خۆم

بۆت ده‌که‌م به‌ مۆم و

 تۆش به‌سه‌رئاوازی ناو دڵم تێپه‌ڕه‌

پێم گوتی له‌گه‌ڵتام

 تاکاتێ چاوی خۆم بۆت ده‌که‌م

به‌ ووشه‌و 

 تۆش به‌ سه‌رکۆپله‌ی ئه‌و هۆنراوه‌م تێپه‌ره

‌پی بنێ له‌ ڕسته‌م له‌ ووشه‌م

گه‌ر وایه‌ 

 هه‌نگاوت ده‌به‌خشی

 به‌ دره‌خت ...!

تا ئه‌ویش ببێت به‌ سێبه‌ری پایزم ...

گه‌ر وایه‌

هه‌نگاوت ده‌به‌خشی

 به‌ ڕووبار ...!

تا ئه‌ویش تێرم کا له‌ ته‌زه‌ی ساردی خۆی ..

 فێنک کا دڵه‌ی پڕ پایزم ..

که‌چی وا پایزه‌و

ڕۆژانه‌ دره‌ختی په‌رژینی ماڵه‌که‌م ئه‌وه‌رێ ..

 که‌چی وا پایزه‌و

ڕۆژانه‌ ڕوبارم تێنوتر له‌ جاران

ڵووته‌که‌ی شاخ خامبارتر

که‌رکوکیش له‌ جاران برسی تر

پێم ده‌ڵێن به‌ ڕاستی  ...

 ئه‌وانه‌ی له‌ تۆڕی ڕاوچیداده‌رباز بوون ..

پێم ده‌ڵێن به‌ڕاستی....

 ئه‌وانه‌ی ...

له‌ لێوار چراکاننه‌سووتان ..

بی ناز بوون

پایزه‌و ده‌ی ئێوه‌ش بگۆڕن

ئه‌و نه‌خشه‌ی خه‌ریکن

بیخه‌نه‌ ئه‌ستۆی من

ده‌ی ئیوه‌شواز بێنن

له‌وچه‌تره‌ی خه‌ریکن

له‌وه‌رزی ووشکه‌ساڵ هه‌ڵیده‌ن ..

پایزه‌و له‌ باشوور

بای گه‌رم خه‌ریکه‌ کاسم کا

ئه‌و بایه‌ی

گڕێکه‌ چه‌ند ساڵه

‌له‌جه‌سته‌ی لووتکه‌ی شاخ به‌ر بووه

‌ئه‌و بایه‌یدایپۆشی و

وونی کردله‌ به‌ر چاو ... 

هه‌زاران لاشه‌ی خۆملاشه‌ی خۆت ..

ئه‌و بایه‌ی گونده‌کی نه‌هێشتم به‌ پێوه

‌ئه‌و بایه‌ وا دیسان دێ بێ بۆ لامبه‌ ڕێوه‌  ...

بایه‌ک بوو هه‌ڵه‌بجه‌ی لێم سووتاند

ئه‌ وبایه‌ی خه‌ریکه‌

له‌ پایزهه‌ڵده‌کاوده‌گاته‌ نیشتیمان ..

شه‌هیدێک له‌ زامی ڕاچله‌کی و قیژاندی

خاوه‌رێک خنکابوو

به‌ دستی سووتاوی‌

 گه‌رده‌نی کۆرپه‌که‌ی  نیشان دام

داپیره‌ک که‌ جه‌سته‌ی

سه‌گێکی ئه‌وانی تێر ده‌کرد

ده‌نگیشی نووسابوو

هه‌موویان ..

 ده‌یانووت پایزه‌و ..

 پایزیش نه‌هاته‌ بۆ خاک و نیشتیمان

مه‌هێڵن بکوژرێ

هیچی تر نیشتیمان ...

هۆنراوه‌ی شاڵاو له‌ لایه‌ن هونه‌رمه‌ند  زه‌که‌ریا کراوه‌ به‌ گۆرانی

 بێ تۆیی

 ڕوخاوه‌ لانه‌ی عیشقو وه‌فاییم

بێ تۆیی نه‌ماوه‌خه‌و‌نی به‌هارو جوانیم

 تابه‌که‌ی بناڵم ئه‌ی ئه‌زیزم ئه‌ی هه‌ناسه‌م

بـــــــــــۆ دله‌ی پر عیشق وتاسه‌م

ژیان بێ تۆ نه‌ماوه‌

ژوان چۆڵ وڕوخاوه‌ 

چی لێهات چـــی لێهات عيشقی ئێمه‌ چی لێهات

 بــێ تۆیی ڕژاوه‌ له‌ چاوم ئه‌شکی خوێنین

بــێ تۆیی شکاوه‌ دڵــــــــــــه‌ی پڕ زام وبرین

 خۆشه‌ويستی وه‌فایی

 لای تۆ چیرۆکی سووتاوه

‌لای تۆ هیچ باوی نه‌ماوه

‌ژیان بێ تۆ نه‌ماوه‌ يان

ژوان چۆڵ وروخاوه

‌چی لێهات چـــی لێهــــات عيشقی ئێمه‌ چی لێهــات  

ئه‌ی کچی جوانی وڵاتم

له‌ هه‌ر کوێ بی چاوم له‌ چاوت ڕواوه‌..!

عیشقت وه‌کو دار به‌ڕووه‌ک

له‌ نێو دڵم ...،

سه‌دان هه‌زار ڕه‌گی داوه .

‌به‌ڵام گیانه

‌ باش بزانه ...

‌له‌ بۆ عیشقت بسووتێم و

وه‌کو مۆمیش بتوێمه‌وه‌ ...!

دارو به‌ردی کوردستانم

خۆشتر ده‌وێ

چونکه‌ ئه‌وان  ...

زۆر پێشی تۆهاتوونه‌ته‌ نێو دڵمه‌وه...!

 هه‌تا که‌ی وا به‌ بێ ده‌نگی

ڕاده‌مینێی ...! 

هیچ ووشه‌یه‌ک نادرکێنی ..،

منیش خوڵیای بێ ده‌نگی تۆم ..

وه‌کو ده‌ریا ‌هێمن ده‌ڕۆی ...!

شه‌پۆڵ نیه‌ پێت بزانێ ،

منیش شه‌یدای هێمنی تۆم ...

تۆ ئه‌وکه‌سه‌ی

هه‌موو ڕۆژێ دێیته‌ ماڵی

دڵی ته‌نیام ...!

سه‌رده‌که‌یته‌ ڕۆژژمێری

یه‌که‌یه‌که‌ی ڕۆژه‌کانی

هه‌لوه‌ریوی

پایز ئاسام ..

چی ڕابردووی  تاڵی ته‌مه‌ن

له‌باڵای من به‌دی ده‌که‌ی ...

له‌گه‌ڵ خۆتدا ڕۆژانه‌ دێ ی ..

هه‌مووی ده‌به‌ی ..